Sogeviso puxo en marcha o Proxecto Pathfinder dirixido a reducir a fenda dixital de familias vulnerables baixo a premisa de que a autonomía dixital é unha peza imprescindible para a inclusión social. Neste sentido o obxectivo de Pathfinder é abordar a fenda dixital a partir de tres grandes piares:
- Dispoñer das ferramentas para acceder ás tecnoloxías dixitais.
- Ter as competencias para usar adecuadamente as tecnoloxías.
- Contar co acompañamento e apoio necesarios para a transición.
O Programa vai destinado a familias en risco de exclusión social para mellorar a súa situación económica, social e educativa e reducir o nivel de pobreza, dependencia e exclusión. Baséase en:
- Fornecer o equipamento e as habilidades básicas necesarias para que as familias poidan acceder á contorna dixital.
- Ofrecer aos adultos as ferramentas, coñecementos e orientación dixitais necesarias para acceder ao mercado laboral.
- Facilitar o acceso e a capacidade de xestionar trámites administrativos, sociais, domésticos e de saúde a través do ambiente dixital.
- Impulsar o acceso a educación virtual e xerar o contexto para que os menores poidan continuar a súa educación non presencial.
- Xerar oportunidades de desenvolvemento dixital avanzado nun grupo de beneficiarios que conten coas características e interese determinados.
